- Sondag 25 Julie 2021
- Aanbieder: Fourie Rossouw
- Teks: Johannes 6:1-14
In die nadraai van ‘n baie onstuimige tyd in Suid-Afrika waartydens ons opnuut die geweldige uitdagings van wetteloosheid, korrupsie, geweld, armoede, ongelykheid en werkloosheid in die gesig moes staar, lees ons die verhaal van Jesus wat die vyf garsbrode en twee vissies vermeerder het.
Die Evangelie van Johannes het ‘n besonderse uitkyk op hierdie verhaal en plaas die gebeure langs twee belangrike antieke verhale wat ons help om met nuwe oë na Jesus te kyk, asook ons roeping te herontdek.