Kleuters en Kinders

Ons droom

Dit is ons droom om kinders tot volle dissipelskap in Jesus te begelei. In kindertaal omskryf: Om kinders te help en te leer om in Jesus se voetspore te volg. Dit is ons gebed dat kinders by Jesus sal tuiskom en in ’n lewende verhouding met Hom, die kerk en die wêreld sal groei.

Daarom is daar vir kleuters en kinders twee fantastiese bedieninge waarby hulle kan inskakel en hul eerste geloofstreë saam met ander Jesuskinders kan gee.

Lekker Leesstof

Ons klimraam kry ‘n nuwe baadjie!Maart 18, 2022
Die Maats-In-Aksie kinders verf die klimraam van die kerk in helder kleure!
Dankie vir ‘n veilige gemeenskapJulie 21, 2021
Kinderkerk-kinders sê dankie aan al die instansies wat so hard werk om ons gemeenskappe dag en nag te beveilig.
Graad 6 Uitstappie 2020Desember 9, 2020
Kinderkerk groet die graad 6 groep met ‘n spesiale uitstappie!

Kinderkerk

Ons maak gebruik van die Paidion kursus en deel daarvan is ons Kinderkerk geleentheid wat elke Sondag (behalwe kategese afnaweke en vakansies) in die saal plaasvind. Die kinders kom reeds om 9:45 bymekaar vir lekker saam speel en lag, waarna daar ‘n erediens spesiaal vir hulle gehou word. Ons wil graag al ons maats laat inskakel by hierdie wonderlike geleentheid en nooi hulle uit om sommer dadelik aan te sluit by hierdie groot lekker in ons kerk!

Kinderkerk Sondae: 10:00 – 11:00
Gesinskamer: Babas – 2 jariges
Kerksentrum: Peuterkerk (3-4 jaar), Kleuterkerk (5-6 jaar) en Great 7’s
Kerksaal: Gr1 – Gr6

Maats-in-Aksie (Kinderkrans)

Elke Donderdag gedurende skoolkwartale kom Bianca en haar span bymekaar om saam met kinders van so jonk as 4 jaar oud te leer wat dit beteken ‘n dissipel van Jesus te wees. Hierdie bediening is propvol energie en kreatiwiteit.

Donderdae: 17:00-18:00
Ouderdomme: 4-12j