Gerhard Erasmus van Mozaic Upliftment Trust
Gerhard Erasmus en sy span by Mozaic Upliftment Trust se hoofkantore is in die suide van Mosambiek in die dorpie Manjekaze. Vandaar is hulle betrokke by ‘n netwerk van meer as 50 gemeentes in Mosambiek. Ons gemeente ondersteun ‘n jaarlikse opleidingsprogram vir jeugwerkers van hierdie gemeentenetwerk.
Marula Olie
‘n Belangrike komponent van Gerhard se werk is om geleenthede te skep vir mense om ekonomies te ontwikkel binne die unieke landbougeleenthede van hulle gemeenskap. En so ‘n projek is die vervaardiging en verspreiding van Marula Olie. ‘n Paar jaar gelede het ds Fourie Rossouw hulle gehelp om ‘n aanlynwinkel te op die been te bring om hulle produkte aan ‘n groter mark bekend te stel. Jy kan die reeks produkte wat hulle verkoop hier bestel: MarulaOils.co.za.
